काठमाडौं । गभर्नर सिफारिस समितिले प्राडा विश्वनाथ पौडेलको नाम एक नम्वरमा सिफारिस गरेको छ ।
मंगलबार बसेको सिफारिस समितिले पौडेलको नाम पहिलो नम्बरमा राख्दै तीन जनाको नाम गभर्नरमा सिफारिस गरेको हो ।
अर्थमन्त्री विष्णु पौडेल संयोजक रहेको समितिमा राष्ट्र बैंकका पूर्वगभर्नर महाप्रसाद अधिकारी र अर्थविद् पोषराज पाण्डे छन् ।
सिफारिस समितिले गरेको सिफारिसका आधारमा आजै बस्ने मन्त्रिपरिषद् बैठकले पौडेललाई गभर्नर नियुक्त गर्नेछ ।
गभर्नर को बनाउने भन्ने विषयमा सत्ता साझेदार दुई ठूला दलबीच विवाद हुँदा चैत २४ गतेदेखि यो पद रिक्त छ । तर, आजै प्रधानमन्त्री केपी शर्मा ओली र कांग्रेस सभापति शेरबहादुर देउवाबीच विश्व पौडेललाई नै गभर्नर बनाउने अन्तिम सहमति भएको थियो ।
प्रतिक्रिया