काठमाडौं । सर्वोच्च अदालतले राष्ट्रिय स्वतन्त्र पार्टीका सभापति एवं पूर्वगृहमन्त्री रवि लामिछानेलाई थुनामुक्त गर्न अस्वीकार गरेको छ ।
सर्वोच्चका न्यायाधीशहरू डा. नहकुल सुवेदी र बालकृष्ण ढकालको इजलासले रवि र छविलाल बन्जाडेलाई थुनामा पठाउने उच्च अदालतको बुटवल इजलासको आदेशलाई सदर गरेको हो। इजलासले लामिछानेकी पत्नी निकिता पौडेलले पेश गरेको बन्दीप्रत्यक्षीकरणको निवेदन पनि खारेज गरेको छ ।
सर्वोच्चको यो आदेशसँगै जिल्ला अदालत रुपन्देहीबाट सहकारी ठगीको मुद्दाको टुंगो नलागेसम्म रवि थुनामै रहनुपर्ने भएको छ ।
दिउँसो ३ बजे बहस सकिएपनि न्यायाधीशहरुले निर्णय सुनाउन झण्डै ६ घण्टा लगाएका थिए ।
प्रतिक्रिया