काठमाडौं । नेकपा (माओवादी केन्द्र)ले जेठ २१ गतेदेखि पुनः मध्य पहाडी लोकमार्ग अभियान सुचारु गर्नेभएको छ ।
अध्यक्ष पुष्पकमल दाहाल प्रचण्ड निवास खुमलटारमा शुक्रबार बिहान बसेको पदाधिकारी बैठकले मध्यपहाडी लोकमार्ग अभियान सुचारु गर्ने निर्णय गरेको हो । यसअघि जेठ २ गतेदेखि जेठ १० सम्म बैतडीको पाटनदेखि पोखरासम्म अभियानको पहिलो चरण सम्पन्न भएको थियो ।
बैठकले भिजिट भिसा प्रकरणमा जोडिएका गृहमन्त्री रमेश लेखकले राजीनामा नदिएसम्म सदन चल्न नसक्ने निस्कर्ष निकालेको छ । ‘छानबिनलाई सहज बनाउन गृहमन्त्रीले राजीनामा दिनुपर्ने निष्कर्ष बैठकले निकालेको छ, राजीनामा नदिएसम्म अवरोध जारी रहन्छ ।’ बैठकपछि सचिव लिलामणि पोखरेलले बताए ।
यसैगरी बैठकमा एकता प्रक्रियाबाट सचिव बनेका गंगानारायण श्रेष्ठ लगायतका नेताहरुलाई जिम्मेवारी दिने विषयमा पनि छलफल भएको छ । जेठ १२ गते श्रेष्ठ नेतृत्वको नेसपा र नेपाः राष्ट्रिय पार्टीसँग एकता भएको थियो ।
यसैगरी बैठकमा संसदभित्रको गतिविधिका बारेमा पनि छलफल भएको छ ।
प्रतिक्रिया