काठमाडौं । राष्ट्रिय प्रजातन्त्र पार्टी (राप्रपा)ले प्रतिनिधिसभा बैठक बहिस्कार गरेको छ।
प्रतिपक्षी दलहरूको अवरोधका बाबजुद सभामुख देवराज घिमिरेले बैठक कार्यसूचीमा अघि बढाएपछि राप्रपाका सांसदहरु बैठक छोडेर बाहिरिएका हुन् ।
त्यसअघि राप्रपाका प्रमुख सचेतक ज्ञानेन्द्र शाहीले प्रतिपक्षीको असहमति र विरोधका बीच सदन चलाउन खोज्नु दादागिरी भएको आरोप लगाएका थिए ।
भिजिट भिसा प्रकरणमा गृहमन्त्री रमेश लेखकको राजीनामा र छानबिन समिति बनाउन माग गर्दै गत जेठ १३ गतेदेखि प्रतिपक्षी दलहरु संसदअवरुद्ध गर्दै आएका थिए । तर, गतशुक्रबारबाट प्रमुख प्रतिपक्षी दल नेकपा माओवादी केन्द्र संसद अवरोध गर्न छोडेपछि सभामुखले पेलेरै बैठक अघि बढाइरहेका छन् ।
राप्रपा र रास्वपाले भने गृहमन्त्रीको राजीनामा र छानबिन समिति माग गर्दै सदनमा नारावाजी गर्दैआएका छन् ।
प्रतिक्रिया