काठमाडौं । माध्यमिक शिक्षा परीक्षा (एसईई)को नतिजा सार्वजनिक भएको छ ।
राष्ट्रिय परीक्षा बोर्डले २०८१ को ७ चैतदेखि सञ्चालन भएको एसईई परीक्षाको नतिजा सार्वजनिक गरेको हो । परीक्षाफल प्रकाशित गर्नुअघि आज दिउँसो र साँझ गरी दुई पटक बोर्डको बैठक बसेको थियो ।
बोर्डका अनुसार यसवर्ष ६१.८१ प्रतिशत विद्यार्थी ग्रेडेड भएका छन् ।
कुन प्रदेशमा कति ग्रेडेड ?
कोशीमा ४७ हजार ८ सय ३५ जना
मधेशमा ५९ हजार ७ सय ४९ जना
बागमतीमा १ लाख १९ हजार ५ सय १७ जना
गण्डकी ४७ हजार ८ सय ४९ जना
लुम्बिनी ५७ हजार ६ सय ८७ जना
कर्णाली ४६ हजार ४ सय ५५ जना
सुदूरपश्चिममा ५९ हजार ८ सय ४ जना
बोर्डका अध्यक्ष महाश्रम शर्माका अनुसार विगतको तुलनामा नतिजामा भने केही सुधार देखिएको छ ।
परीक्षामा नियमिततर्फ ४ लाख ३१ हजार ४६६ र ग्रेड वृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएका थिए ।
प्रतिक्रिया