बुटवल । बुटवल लेडी जेसीजले रुपन्देहीको बुटवलमा संचालन गरेको जेसीज सप्ताह शनिबार सकिएको छ । गत शनिबारदेखि विभिन्न सचेतनात्मक कार्यक्रमका साथमा संचालन गरेको जेसीज सप्ताहको शनिबार बुटवल उपमहानगरपालिकाका प्रमुख खेलराज पाण्डेयले समापन गरेका हुन ।
जेसीज सप्ताहको समापन गर्दै कार्यक्रमका प्रमुख अतिथि पाण्डेयले महिला नेतृत्व र विकासकालागि जेसीजले खेलेको भुमिका महत्वपुर्ण रहेको बताए । बुटवल लेडी जेसीजका अध्यक्ष रुपा श्रेष्ठको अध्यक्षतामा भएको कार्यक्रममा नेपाल चिकित्सक संघका अध्यक्ष डा. कृष्ण खरेल, बुटवल जेसीजका अध्यक्ष मोहन न्यौपाने, लेडी जेसीजका पुर्व अध्यक्ष बालकुमारी भण्डारी, राधिका पोखरेल, कार्यक्रम संयोजक रुपा श्रेष्ठ पाठक, समापन कार्यक्रम संयोजक विनु रिजाललगायतले महिलाको नेतृत्व र क्षमता विकासमा जोड दिनुपर्ने बताए ।
सोही अवसरमा शनिबार नै लेडी जेसीजले झण्डै दुई सय जनाको सहभागितामा अटिजम समस्या र समाधान विषयक अभिमुखिकरण कार्यक्रम गरिएको महासचिव वेदना पाण्डेले बताए । देवदह मेडिकल कलेजका प्रोफेशन डाक्टर शान्ता शर्माले सहजिकरण गरेको कार्यक्रममा अटिजमको समस्या, सहि हेरचाह, सुधारका प्रयास र उपायका बारेमा छलफल गरिएको कार्यक्रम संयोजक मन्जु थापाले जानकारी दिइन ।
प्रतिक्रिया