काठमाडौं । नेपाल चिकित्सक संघको आह्वानमा देशभरका अस्पतालहरूमा सोमबारदेखि आकस्मिकबाहेक सबै सेवा बन्द भएको छ ।
संघले उपभोक्ता अदालतका पछिल्ला केही फैसलाहरूले नेपाल मेडिकल काउन्सिलको अधिकार क्षेत्रमा हस्तक्षेप गरेको, चिकित्सकहरूको मनोबल गिराएको र उनीहरूलाई असुरक्षित वातावरणमा काम गर्न बाध्य बनाएको आरोप लगाउँदै अस्पतालको सेवा बन्द गरेको हो।
संघका अनुसार आन्दोलन असार २० गतेदेखि नै सुरु गरिएको हो। महासचिव डा। सञ्जिव तिवारीद्वारा जारी विज्ञप्तिमा सबै अस्पताल तथा स्वास्थ्य संस्थामा आकस्मिक सेवा बाहेकका सम्पूर्ण सेवा स्थगित गरिएको उल्लेख गरिएको छ।
यसै सन्दर्भमा पाटन अस्पतालमा समेत ओपिडी सेवा बन्द गरी चिकित्सकहरू आन्दोलनमा उत्रिएका छन्। अस्पताल परिसरमै नाराबाजीसहित विरोध प्रदर्शन भइरहेको छ।
प्रतिक्रिया