काठमाडौं। सरकारले मधेस प्रदेशलाई आगामी तीन महिनाका लागि विपद संकटग्रस्त क्षेत्र घोषणा गरेको छ।
प्रधानमन्त्री निवास बालुवाटारमा बुधबार बसेको मन्त्रिपरिषद् बैठकले यस्तो निर्णय गरेको हो।
प्रदेशमा समयमा पर्याप्त वर्षा नहुँदा जमिनमुनिको पानी सुक्दै गै खानेपानीको गम्भीर समस्या देखिएको, मुहान सुकेको, एवं पानीको चरम अभावका कारण धान रोपाईंमा समेत समस्या देखिएपछि सरकारले तीन महिनाका लागि संकटग्रस्त क्षेत्र घोषणा गरेको हो ।
यसअघि मधेश सरकारले पनि प्रदेशलाई सुख्खाग्रस्त क्षेत्र घोषणा गरिसकेको छ। प्रदेश सरकारले एवं संघीय संसदका सांसदहरुले मधेशलाई सुख्खाग्रस्त क्षेत्र घोषणा गर्न माग गर्दै आएका थिए ।
प्रतिक्रिया