गौरबमय समाजवादी अध्यायमा अघि बढ्दै आधुनिक सिजाङ

यो वर्ष दक्षिणपश्चिम चीनको सिजाङ (तिब्बत) स्वायत्त क्षेत्रको ६०औं स्थापनाको वार्षिकोत्सव हो । वार्षिकोत्सवको उत्सवमा सहभागी हुन बुधबार केन्द्रीय प्रतिनिधिमण्डलको नेतृत्व गर्दै चिनियाँ राष्ट्रपति सी जिनपिङ ल्हासा पुगेका छन् ।

विगत छ दशकमा, सिजाङ (तिब्बत)ले अन्धकारबाट उज्यालोतर्फ, गरिबीबाट समृद्धितर्फ, र अलगावबाट खुलापनतर्फ ऐतिहासिक छलाङ मारेको छ । यो ऐतिहासिक परिवर्तनको पछाडि चिनियाँ कम्युनिस्ट पार्टी (सीपीसी) को सिजाङको शासनमा सफल नीतिहरूको कार्यान्वयन र सिजाङको अद्वितीय वास्तविकतासँग मेल खाने विकास मार्गको उल्लेखनीय उपलब्धिहरू हो । यो यात्राले सीपीसीको नेतृत्वमा जनतालाई शासन, स्थायित्व र उत्साह प्रदान गर्न सफल अनुभवलाई प्रतिबिम्बित गरेको छ ।

आर्थिक विकासले सिजाङ (तिब्बत)का जनताको कल्याणका लागि ठोस भौतिक आधार प्रदान गरेको छ । सन् २०२५ को पहिलो आधामा यस क्षेत्रको जीडीपी ७.२ प्रतिशतले वृद्धि भई १३८.२७ बिलियन युआन (१९.२७ बिलियन डलर) पुगेको छ । अझ उल्लेखनीय कुरा त सन् २०२४ मा सिजाङको जीडीपी २७६.५ बिलियन युआन पुग्यो, जुन १९६५ को तुलनामा स्थिर मूल्यमा १५५ गुणा बढी हो । यो वर्ष जीडीपी ३०० बिलियन युआन नाघ्ने अपेक्षा गरिएको छ । यी तथ्यांकहरूले सिजाङको तीव्र आर्थिक विकासलाई चित्रण गर्छ ।

सिजाङ (तिब्बत) स्वायत्त प्रदेश स्थापना भएको ६० वर्षयता साँच्चै नै चमत्कारिक ऐतिहासिक उपलब्धिहरू हासिल गरेको छ। यसले सामाजिक प्रणाली र आर्थिक-सामाजिक विकासमा ऐतिहासिक फड्को मारेको छ, विभिन्न क्षेत्रमा उल्लेखनीय प्रगति भएको छ, जातीय एकता र सामाजिक स्थिरता पूर्णरूपमा मजबुत भएको छ। तलको तालिकाले प्रमुख उपलब्धिहरूको संक्षिप्त विवरण प्रदर्शित गरेको छ :

जनताको जीवनस्तर सुधार्नु सिजाङ (तिब्बत)को विकासको सबैभन्दा न्यानो पृष्ठभूमि हो । शिक्षा कल्याणको आधार हो । सिजाङमा हिमालका विशाल शिखरहरू, विस्तृत घाँसे मैदानहरू र गहिरा खोंचहरू जस्ता प्राकृतिक दृश्यहरूले लामो समयदेखि बालबालिकाहरूलाई स्कूल जान बाधा पुयाएका थिए । यसकारण बोर्डिङ स्कूलहरू उत्तम समाधान बनेका छन् । विगत साठी वर्षमा सिजाङको शिक्षामा ऐतिहासिक गुणात्मक परिवर्तन भएको छ ।

पर्यावरण संरक्षण सिजाङ (तिब्बत)को दीगो विकासको आधारभूत शर्त हो । “जब पर्यावरण समृद्ध हुन्छ, सभ्यता समृद्ध हुन्छ; जब पर्यावरण ह्रास हुन्छ, सभ्यता ह्रास हुन्छ”, राष्ट्रपति सीले भनेका छन्, “छिङ्हाई-तिब्बत पठारको पर्यावरण संरक्षण चिनियाँ राष्ट्रको बाँच्न र विकासको लागि सबैभन्दा ठूलो योगदान हो ।”

सिजाङ (तिब्बत)मा, “स्वच्छ पानी र हरियाली पहाडहरू अमूल्य सम्पत्ति हुन्“ भन्ने अवधारणा जनतामा गहिरोसँग गाँसिएको छ । हालैका वर्षहरूमा सिजाङले ल्हासा उत्तर–दक्षिण पर्वत हरियाली परियोजना लागू गरेको छ, जसले वन कभरेज दरलाई १२.३१ प्रतिशतमा वृद्धि गरेको छ । साथै, चार लाखा ४० हजार भन्दा बढी पर्यावरणीय पदमार्गहरू स्थापना गरिएका छन्, जसले स्थानीय जनसंख्यालाई पर्यावरण निर्माणमार्फत जीविकोपार्जन गर्न र समृद्धिको बाटोमा अघि बढ्न सक्षम बनाएको छ ।

जातीय एकता सिजाङ(तिब्बत)को विकासको प्रेरक शक्ति हो । राष्ट्रपति सीले सिजाङसँग सम्बन्धित कार्यले राष्ट्रिय एकता र जातीय एकताको सुदृढीकरणमा ध्यान केन्द्रित गर्नुपर्ने कुरामा जोड दिएका छन् । सीले दिएको दिशानिर्देश अनुरूप नियाङ्ची शहरको गालाई गाउँले हालैका वर्षहरूमा ग्रामीण पर्यटन विकास, सामूहिक अर्थतन्त्र सुदृढीकरण, र जातीय एकता प्रवद्र्धनमा धेरै प्रगति गरेको छ । “आलुको फूल फुल्ने ठाउँ“ को अर्थ बोकेको गाला गाउँ विभिन्न जातजातिहरूको सामंजस्यपूर्ण सहअस्तित्वको नमूना बनेको छ । यो सुन्दर गाउँमा जातीय एकताको फूल झनै जीवन्त रूपमा फुलिरहेको छ ।

आर्थिक छलाङदेखि शैक्षिक प्रगतिसम्म, पर्यावरण संरक्षणदेखि जातीय एकतासम्म, हिमाली पठारले ठोस र प्रभावशाली विकास प्रतिवेदन प्रस्तुत गरेको छ । यो एक समयको दुर्गम भूमि अब अभूतपूर्व जीवन्तताका साथ चम्किरहेको छ, जुन चीनको उच्च गुणस्तरको विकास र जातीय एकताको प्रगतिको जीवन्त उदाहरण बनेको छ ।

अन्तिममा यो भन्न सकिन्छ – सिजाङ (तिब्बत) स्वायत्त प्रदेशले विगत ६० वर्षमा हासिल गरेका उपलब्धीहरु गौरबपूर्ण छन् । यो चीनको ठूलो परिवारमा सबै जातजातिहरूले एकताबद्ध भएर साझा समृद्धि र विकास हासिल गरेको जीवन्त अभिव्यक्ति हो, जसले समाजवादी प्रणालीको श्रेष्ठता प्रदर्शन गर्दछ।

सिजाङ (तिब्बत)को विकास यात्राले गहिरोसँग प्रदर्शन गरेको छ कि – नयाँ युगमा सिजाङको शासनमा सीपीसीको नीतिहरू समयको आवश्यकतासँग मेल खाएको छ । सिजाङका सबै जातजातिहरूको आधारभूत आकांक्षाहरू पूरा गरेको छ र यस क्षेत्रको सामाजिक विकासको व्यावहारिक आवश्यकताहरूसँग सम्बन्धित छ । यो प्राचीन र रहस्यमय भूमि एकताबद्ध, समृद्ध, सभ्य, सामन्जस्यपूर्ण र सुन्दर समाजवादी आधुनिक सिजाङको भव्य अध्याय लेख्न प्रयासरत छ ।

(चिनियाहरु तिब्बतलाई सिजाङ भन्छन् । नेपालको सीमानासँग जोडिएको सिजाङ स्वायत्त प्रदेश स्थापना भएको ६० वार्षिकोत्सवको अवसरमा चिनियाँ सञ्चारमाध्यमहरुमा रिपोर्टहरु प्रकाशित भैरहेका छन् । यो रिपोर्ट ग्लोबल टाइम्स र डुवाओमा प्रकाशित समाचारबाट लिइएको हो ।)