बुटवल । बुटवल उपमहानगरपालिकाले आज एक दिन स्थानीय सार्वजनिक बिदा दिएको छ । उपमहानगरपालिकाले बड्का अत्तवारी पर्वको अवसरमा आज सार्वजनिक बिदा दिएको हो ।
उपमहानगरपालिकाले विज्ञप्ति जारी गर्दै नगरभित्रका वडा कार्यालय, स्वास्थ्य संस्था तथा शैक्षिक संस्थासमेत बन्द हुने जानकारी गराएको छ । नगरप्रमुख खेलराज पाण्डेयले हस्ताक्षर गरिएको सूचनामा पर्वको अवसरलाई मध्यनजर गर्दै बिदा दिने निर्णय गरिएको उल्लेख छ ।
अत्तवारी पर्व स्थानीय समुदायले धार्मिक आस्था, सांस्कृतिक परम्परा र ऐतिहासिक मान्यतासहित मनाउने गरेको महत्वपूर्ण चाड हो । यस दिन विशेष पूजा–अर्चना, मेलापात तथा विभिन्न धार्मिक कार्यक्रम हुने भएकाले बुटवल उपमहानगरपालिकाले नगरवासीलाई सहज वातावरण उपलब्ध गराउन सार्वजनिक बिदा दिएको हो ।
बिदासँगै बुटवल उपमहानगरपालिकाभित्र रहेका सम्पूर्ण कार्यालय, विद्यालय र स्वास्थ्य संस्था आज बन्द रहनेछन् ।
प्रतिक्रिया