काठमाडौँ । नेपालगन्जमा ड्युटीमा रहेको अवस्थामा ढलेका एक प्रहरी निरीक्षकको मृत्यु भएको छ । ड्युटीमा खटिएकै बेला ढलेका नेपाल प्रहरीका नायब निरीक्षक (सई) धन बहादुर थापाको मृत्यु भएको हो ।
इलाका प्रहरी कार्यालय मोतिपुर बर्दिया दरबन्दी भई हाल वडा प्रहरी कार्यालय नेपालगन्जमा काजमा रहेर कार्यरत रहेका थापाको हृदयघातका कारण निधन भएको प्रहरीले जनाएको छ ।
जिल्ला प्रहरी कार्यालय बाँकेका अनुसार नेपालगन्जको कान्तिताल क्षेत्रमा ड्युटी गर्न खटिएका थापाको आज बिहान हृदयघातका कारण निधन भएको हो । ड्युटीमा रहका थापा हृदयघात भएर एक्कासी ढलेपछि उनलाई अस्पताल पु¥याइएको थियो । अस्पताल पु¥याए लगत्तै चिकित्सकले मृत घोषणा गरेको जिल्ला प्रहरी कार्यालय बाँकेका प्रवक्ता डीएसपी दीपक पतालीले बताए ।
सई थापा रोल्पा स्थायी घर भई हाल नेपालगन्ज उपमहानगरपालिका वडा नं ४ मा बस्दै आएका थिए । थापाको शव भेरी अस्पतालमा राखिएको छ । आजै अन्त्येष्टि गर्ने भनिएपनि विदेशमा रहेकी छोरी आउन ढिला हुने भएपछि भोली अन्त्येष्टि गरिने प्रहरीले जनाएको छ ।
प्रतिक्रिया