काठमाडौं । उपत्यकामा जेनजी आन्दोलनको दोस्रो दिन अझ उग्र बनेको छ । कर्फ्यू जारी रहेपनि प्रदर्शनकारीहरू विभिन्न स्थानमा सडकमा उत्रिएका छन् र केही नेताका घर तथा निवासमा तोडफोड गरेका छन् ।
यसैक्रममा एक समूह माओवादी अध्यक्ष एवं पूर्वप्रधानमन्त्री प्रचण्डको खुमलटारस्थित निवासमा पुगेको छ । उनीहरू गेट अगाडि उभिएर ढुंगामुढा गर्दै प्रदर्शन गरिरहेका छन् ।
जेनजी पुस्ताले सोमबारबाट सुरु गरेको आन्दोलन यसरी उग्र बन्दै गएपछि उपत्यकामा सुरक्षा व्यवस्थालाई थप कडा पारिएको छ । प्रहरीले घटनास्थलमा अतिरिक्त सुरक्षाकर्मी परिचालन गरेको छ ।
अधिकारकर्मीहरूले प्रदर्शनलाई नियन्त्रणमा लिन प्रयास गरिरहेका छन् भने नागरिकहरूमा सतर्कता अपनाउन चेतावनी जारी गरिएको छ ।
प्रतिक्रिया