काठमाडौं । भारतको हिमाञ्चल प्रदेशको राजधानी सिमलामा भएको सडक दुर्घटनामा चार नेपालीको ज्यान गएको छ । हिजो भएको दुर्घटनामा भएका मृतकमध्ये तीन जना एउटै परिवारका सदस्य रहेका छन् ।
सोमबार कोटखाई नजिक कुड्डु नालामा गाडी दुर्घटना हुँदा सल्यानको कुमाख गाउँपालिका–४ बाट रोजगारीका लागि हिमाञ्चल पुगेका उनीहरूको मृत्यु भएको हो । मृत्यु हुनेमा कुमाख–४ निवासी ५० वर्षीय डिल्लीबहादुर शाही, ३६ वर्षीय एकेन्द्र शाही, २६ वर्षीया लक्ष्मी मल्ल शाही र ३३ वर्षीय राजेश विष्ट रहेका छन् । दुर्घटनामा नवराज शाही र हिमबहादुर शाही घाइते भएका छन् ।
दुर्घटनामा गाडी चालक भारतीय नागरिकको पनि मृत्यु भएको छ । मृतकहरुको शवलाई पोष्टमार्टमपछि नेपाल ल्याउने तयारी भइरहेको छ ।
प्रतिक्रिया