काठमाडौं । पूर्वप्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल प्रचण्ड एकसातापछि सार्वजनिक भएका छन् ।
जेनजी आन्दोलनको क्रममा आफ्नो निवास र पार्टी कार्यालय ध्वस्त भएसँगै नेपाली सेनाको संरक्षणमा रहेका प्रचण्ड आज पार्टी कार्यालय पेरिडाँडाबाट सार्वजनिक भएका हुन् ।
अध्यक्ष प्रचण्डले ध्वस्त बनाइएको पार्टी कार्यालय भवनका सबैभागको अनुगमन गरेका छन् ।
त्यसक्रममा प्रचण्डले संचारकर्मीहरुसँग छोटो कुराकानी गर्दै प्रचण्डले पार्टी केन्द्रीय कार्यालयसहित देशभरका सबै कार्यालय भवनहरु अझ नयाँ रुपमा भव्य रुपमाले पुनरस्र्थापित गरिने प्रतिवद्धता जनाए । प्रचण्डले पार्टीको माइन्यूट, केही कम्प्युटर र पुस्तकालय वचेको जानकारी दिए । उनले ध्वंसको बीमा पनि पार्टीका महत्वपूर्ण संरचनाहरु जोगाउन सक्रिय भूमिका खेल्ने नेता कार्यकर्ताहरुलाई धन्यवाद दिए । दुई तीन दिनको बीचमा पार्टी कार्यालय सरसफाइ अभियान संचालन भएको भन्दै उनले सन्तोष समेत व्यक्त गरे ।
अध्यक्ष प्रचण्डले सरसफाइमा समेत सहभागी भएकाछन् । उनीसँग उपाध्यक्ष अग्नि सापकोटा, पम्फा भुसाल, उपमहासचिव वर्षमान पुन लगायतका नेताहरु, वाईसीएस, विद्यार्थी, महिला, मजदुर लगायतका संगठनका नेता कार्यकर्ताहरु सहभागी भएका थिए ।
प्रतिक्रिया