काठमाडौं । एसिया कप क्रिकेटको उपाधि भारतले हात पारेको छ । गएराति यूएईमा सम्पन्न फाइनल खेलमा भारतले पाकिस्तानलाई पाँच विकेटले पराजित गर्दै उपाधि उचालेको हो ।
टस जितेर पहिले ब्याटिङ गरेको पाकिस्तानले १९ ओभर एक बलमै सबै विकेट गुमाउँदै १४६ रन मात्र जोड्न सक्यो । पाकिस्तानका लागि साहिबजादा फरहानले ३८ बलमा पाँच चौका र तीन छक्कासहित ५७ रन बनाउँदै अर्धशतक प्रहार गरे भने फखर जमनले ४६ रन योगदान गरे । तर, अन्य ब्याट्सम्यान दोहोरो अंकमा रन जोड्न नसक्दा पाकिस्तानले मध्यम स्कोरमा सीमित रहनुपर्यो ।
बलिङतर्फ भारतका कुलदीप यादवले उत्कृष्ट प्रदर्शन गर्दै ४ ओभरमा ३० रन खर्चेर ४ विकेट लिए । त्यस्तै जसप्रित बुमराह, वरुण चक्रवर्ती र अक्षर पटेलले दुई-दुई विकेट झारे ।
१४७ रनको लक्ष्य पछ्याएको भारतले १९.४ ओभरमा पाँच विकेट गुमाउँदै १५० रन जोड्यो । भारतका तिलक वर्माले ५३ बलमा ६९ रनको नटआउट अर्धशतकीय इनिङ खेले । शिभम दुबेले ३३ रन र सन्जु सामसनले २४ रन जोडे । पाकिस्तानका लागि फहीम अस्रफले तीन विकेट लिएका थिए भने शाहीन अफ्रिदी र अब्रार अहमदले एक-एक विकेट हात पारे ।
प्रतिक्रिया