काठमाडौं । दशैँको टीकाको दोस्रो दिन शुक्रबार पनि आफन्तजनबीच टीका र जमरा थाप्ने चहलपहल देखिएको छ । विजयादशमीका दिन दुर्गा भवानीको प्रसादस्वरूप रातो टीका र जमरा ग्रहण गरेपछि आज पनि आफन्तकामा टीका लगाउन जानेको भीडभाडसँगै बजारमा समेत चहलपहल बढेको छ ।
घटस्थापनाका दिन स्थापना गरिएको घडाबाट वैदिक विधिपूर्वक अभिषेक गरी लगाइने टीका र जमरालाई समृद्धि र मंगलको प्रतीक मानिन्छ । आश्विन शुक्ल दशमीका दिन मनाइने विजयादशमी पर्वमा मान्यजनबाट टीका-जमरा ग्रहण गरी असत्यमाथि सत्य र अधर्ममाथि धर्मको विजयको प्रतीक स्वरूप उल्लासपूर्वक पर्व मनाइन्छ ।
बिहीबार टीका लगाउन नभ्याउनेहरूले भने कोजाग्रत पूर्णिमासम्म मान्यजनबाट दुर्गा भवानीको प्रसादस्वरूप टीका र जमरा ग्रहण गर्ने चलन छ ।
प्रतिक्रिया