अध्यक्षसहित बहुमत सदस्यले राजीनामा दिएपछि न्यू डाँफेमा खत्रीको नयाँ नेतृत्व

खजुरा । बाँकेको जेठो क्लब मध्येको एक न्यू डाँफे स्पोर्ट्स क्लबमा नयाँ नेतृत्व चयन गरिएको छ । कार्यसमितका अध्यक्ष सहित कार्यसमितिका बहुमत सदस्यहरूले राजीनामा दिएपछि गाउँभेला गरेर नयाँ नेतृत्व चयन गरिएको हो ।

नयाँ समितिलाई दुई वर्ष कार्यकाल रहनेगरी चयन गरिएको छ । शनिबार बसेको गाउँ भेलाले समितिको अध्यक्षमा बालाराम खत्रीलाई सर्वसम्मत चयन गरेको हो । यस्तै उपाध्यक्षमा दान बहादुर गुरुङ, सचिवमा योगेन्द्र नाथ योगी, कोषाध्क्ष हरी प्रसाद विक, सह सचिवमा दीपेन्द्र कुमार शाही चयन भएका छन् । सदस्यहरुमा सिमोन गुरुङ्ग, प्रविन विक, रिमा कुमारी थापा (कसम) र कर्ण बहादुर विक सर्व सम्मत चयन भए । केही सदस्यहरू कार्यसमितिले मनोनीत गरिने नव निर्वाचित अध्यक्ष खत्रीले जानकारी दिए ।

नव निर्वाचित अध्यक्ष खत्रीले खेल गतिविधि बढाउन सक्रिय भूमिका निभाउने प्रतिक्रिया दिए । खेलकुद र सांस्कृतिक उत्थानका लागि बाँकेकै अग्रणी क्लवकारुपमा रहेको न्यु डाँफे क्लवको नयाँ नेतृत्व गाउँभेलाले गर्ने परम्परा रहँदै आएको छ ।