काठमाडौं । हाल देशभर कुनै उल्लेखनीय मौसम प्रणालीको प्रभाव नरहेको जल तथा मौसम पूर्वानुमान महाशाखाले जनाएको छ । महाशाखाका अनुसार हाल देशको पहाडी भूभागमा आंशिक बदली रहेको छ भने बाँकी अधिकांश भूभागमा मौसम सामान्यतया सफा रहेको छ ।
आज दिउँसो पनि सबै प्रदेशका पहाडी क्षेत्रमा आंशिक बदली रहने र बाँकी भूभागमा मौसम सफा रहने अनुमान गरिएको छ । साथै कोशी, बागमती र गण्डकी प्रदेशका केही पहाडी स्थानहरूमा हल्का वर्षा हुने सम्भावना रहेको महाशाखाले जनाएको छ ।
आज राति देशभर मौसम सामान्यतया सफा रहने पूर्वानुमान गरिएको छ ।
महाशाखाले यात्रुहरू र कृषकहरूलाई आवश्यक सावधानी अपनाउन आग्रह गर्दै आगामी केही दिनसम्म उल्लेखनीय मौसमीय परिवर्तनको सम्भावना नदेखिएको जनाएको छ ।
प्रतिक्रिया