बाँके निकुञ्जका रेन्जरमाथि कुटपिट

कोहलपुर । राप्तीसोनारी ९ बुच्चापुरका स्थानियले राष्ट्रिय निकुञ्जका रेन्जरलाई कुटपिट गरेका छन् । उनीहरुले बाघले मान्छेको ज्यान जाने गरि आक्रमण गर्दा बेवास्ता गरेको भन्दै निकुञ्जका रेन्जर जयहरी धिताललाई कुटपिट गरेका हुन् ।

राप्ती सोनारी गाउँपालिका वडा नम्बर ९ गुरुवागाउ नमुना टोल निवासी ४० वर्षीय इन्द्र बहादुर खत्रीको गयराती बाघको आक्रमणबाट मृत्यु थियो । आक्रमण पछि बाँके राष्ट्रिय निकुञ्जले बेवास्ता गरेको भन्दै स्थानीय आक्रोशित भएका निए । सोहीक्रममा स्थानियले रेन्जर धिताललाई कुटपिट गरेका हुन् ।

कुटपिट र पीडित स्थानीयको समाचार संकलन गर्न पुगेका कोहलपुर टुडेका पत्रकार डिल्ली शाहीमाथि पनि स्थानीयले कुटपिट गरेका छन् । उनीहरुले पत्रकार शाहीले संकलन गरेको भिडियो सामाग्री समेत डिलिट गर्न पाठाएको शाहीले बताए ।

समाचार संकलन गर्न गएका पत्रकार शाहीलाई पत्रकारको परिचय पत्र देखाउँदा देखाउँदै पनि उनीहरुले कुटपिट गरेको उनले बताए ।

मध्यवर्ती सामुदायिक वनका अध्यक्ष समेत रहेका दल बहादुर खड्कालाई समेत मृतकका आफन्त र स्थानीयले हातपात गरेको प्रत्यक्षदर्शीले बताए ।