काठमाडौं । काठमाडौंको एक होस्टेलबाट प्रहरीले जेन जी आन्दोलनका क्रममा प्रहरीबाट लुटिएको केही सामाग्री बरामद गरेको छ । आइतबार दिउँसो प्रहरीले काठमाडौं महानगरपालिका-३२ सुविधानगरमा रहोके सम्पदा ब्वाइज होस्टलको बी ब्लकबाट प्रहरीको हत्कडी, बडी प्रोटेक्टर, लौरो बरामद गरेको हो । होस्टलमा प्रहरीले आइतबार स्वीप अपरेसन गरेको थियो ।
होस्टेलमा प्रहरीको सरसामान भेटिएपछि होस्टल वार्डेन २४ वर्षीय गोविन्दकुमार ठाकुरलाई नियन्त्रणमा लिएर प्रहरीले अनुसन्धान अघि बढाइएको काठमाडौं उपत्यका प्रहरी कार्यालय रानिपोखरीका एआईजी दानबहादुर कार्कीले बताए । अप्रेशनका क्रममा होस्टलको ए ब्लकबाट हत्कडीसहितका सामान बरामद भएको प्रहरीले जनाएको छ ।
उक्त होस्टलबाट दुई थान हत्कडी, एपीएफको बडी प्रोटेक्टर, हार्ड डिस्क र प्रहरीको लौरो बरामद गरेको एआईजी कार्कीले बताए ।
प्रतिक्रिया