सोलुखुम्बु । अल्टिच्युट एयरको हेलिकोप्टर सोलुखुम्बुको लोबुचेमा आज विहान दुर्घटना भएको छ । क्याप्टेन विवेक खड्काले उडाएको सो हेलिकोप्टर अवतरणका क्रममा चिप्लिएर दुर्घटनाग्रस्त भएको पर्यटन व्यवसायी काजी विष्टले जानकारी दिएका छन् ।
विष्टका अनुसार, क्याप्टेन विवेक खड्का सकुशल रहेका छन्, भने हेलिकोप्टरमा भौतिक क्षति भएको छ । नेपाल नागरिक उड्डयन प्राधिकरणका प्रवक्ता ज्ञानेन्द्र भुलका अनुसार, अल्टिच्युट एयरको हेलिकोप्टर बिहान ८:१५ बजे दुर्घटनामा परेको हो ।
उनले भने, “अल्फा माइक सेरा” कलसाइन भएको हेलिकोप्टर लोबुचेमा अवतरणका क्रममा चिप्लिएको हो । हाल घटनास्थलबाट थप विवरण संकलन भइरहेको प्राधिकरणले जनाएको छ ।
प्रतिक्रिया