काठमाडौं । नेकपा (एकीकृत समाजवादी) पार्टीको केन्द्रीय कमिटीको तेस्रो पूर्ण बैठक बिहीबार पनि जारी छ । बुधबारदेखि सुरु भएको बैठकमा आज अध्यक्ष माधवकुमार नेपालको राजनीतिक प्रतिवेदनमाथि विस्तृत छलफल भइरहेको छ ।
बुधबारको पहिलो दिन अध्यक्ष नेपालले आफ्नो राजनीतिक प्रतिवेदन पेस गरेका थिए । प्रतिवेदनमा उनले कम्युनिस्ट एकता आजको आवश्यकता भए पनि स्पष्ट विचारधारात्मक तथा संगठनात्मक आधार नभएसम्म पार्टी एकता सम्भव नहुने बताएका छन् ।
बैठक शुक्रबारसम्म चल्नेछ । उक्त अवधिभर पार्टी पुनर्गठन कार्ययोजना, नेतृत्व हस्तान्तरण, संगठनात्मक रुपान्तरण लगायतका विषयमा गहन छलफल हुने जनाइएको छ । साथै, बैठकमा पार्टीको वैचारिक दृष्टिकोण र सैद्धान्तिक विषयमाथि पनि बहस हुनेछ ।
बैठकले जेनजी आन्दोलनपछिको राजनीतिक परिस्थिति र घटनाक्रमको समीक्षा गरी आवश्यक राजनीतिक तथा संगठनात्मक कार्यक्रम अनुमोदन गर्ने तयारी गरेको छ ।
प्रतिक्रिया