काठमाडौं । दलित अभियन्ताको रुपमा चिनिएका खगेन्द्र सुनारसँग विद्युतीय कारोबारसम्बन्धी मुद्दामा काभ्रे जिल्ला अदालतले ५० हजार रुपैयाँ धरौटी मागेको छ ।
जिल्ला अदालतका न्यायाधीश नगेन्द्रकुमार कालाखेतीको इजलासले बिहीबार सुनारलाई धरौटीमा छाड्ने आदेश दिएको हो।
श्रम मन्त्रीका रूपमा सपथग्रहण गर्न लाग्नुअघि उनी फरार प्रतिवादी रहेको विषय बाहिर आएको थियो । अधिवक्ता मनिषा गौतमले दायर गरेको साइबर अपराधसम्बन्धी जाहेरीमा सुनार फरार प्रतिवादीका रूपमा सूचीकृत थिए।
विद्युतीय कारोबार ऐनअन्तर्गत पक्राउ पुर्जी जारी भएपछि लामो समयदेखि फरार रहेका भनिएका सुनार बिहीबार नै अदालतमा हाजिर भएका थिए। अदालतको आदेशसँगै उनी धरौटीमा रिहा भएका छन्।
प्रतिक्रिया