नेपालगन्ज । बाँके जिल्ला अदालतबाट ज्यान मार्ने उद्योगमा पक्राउ पुर्जी जारी भएका एकजनालाई प्रहरीले पक्राउ गरेको छ । पक्राउ पुर्जी जारी भई फरार रहेका जाजरकोट भेरी मालिका ४ का ३० वर्षिय निरज शाहीलाई प्रहरीले पक्राउ गरेको हो ।
प्रहरीका अनुसार उनले गत कर्तिक ६ गते राती ८ बजेको समयमा नेपालगन्ज १८ मिलन कटेजको गेटमा फलामको रड र धारीलो हतियारले प्रहार गरि ३ जनालाई घाइते बनाएर फरार भएका थिए । किटानी जाहेरीका आधारमा प्रहरीले शाही विरुद्ध ज्यान मार्ने उद्योगमा मुद्दा दर्ता गराई पक्राउ पुर्जी लिएर खोजी सुरु गरेको थियो ।
पक्राउ परेका शाहीलाई आज जिल्ला अदालत बाँकेबाट ६ दिनको म्याद लिएर अनुसन्धान सुरु गरिएको बाँके प्रहरी प्रवक्ता डीएसपी दीपक पतालीले बताए ।
प्रतिक्रिया