काठमाडौं । महाधिवेशनको मितिका विषयमा नेताहरुबीच कुरा नमिलेपछि नेपाली कांग्रेस केन्द्रीय कार्यसमितिको बैठक फेरि एकपटक स्थगित गरिएको छ।
बिहीबार (आज) दिउँसो २ बजे बस्ने भनिएको बैठक स्थगित गर्दै पार्टीले नयाँ मिति तय गरेको हो।
पार्टीका मुख्य सचिव कृष्णप्रसाद पौडेलका अनुसार अब केन्द्रीय कार्यसमितिको बैठक आउँदो शनिबार .मंसिर ६) दिउँसो १ बजे सानेपास्थित केन्द्रीय कार्यालयमा बस्नेछ। बैठकमा केन्द्रीय पदाधिकारी, सदस्य, आमन्त्रित सदस्य तथा सबै सात प्रदेश सभापतिहरूलाई सहभागी हुन आग्रह गरिएको छ।
कांग्रेस बैठक पटक–पटक स्थगित हुँदै आएको छ। एक महिनाभन्दा बढी समयदेखि निरन्तर चलिरहेको केन्द्रीय समितिको बैठक संस्थापन पक्ष र इतर पक्षबीच महाधिवेशनको विषयमा निष्कर्षमा नपुग्दा फेरि स्थगित भएको हो।
प्रतिक्रिया