काठमाडौं । नेकपा एमालेले नेसनल भोलेन्टियर फोर्स (एनभीएफ) को केन्द्रीय कमान्ड औपचारिक रूपमा घोषणा गरेको छ । काठमाडौंको माइतीघरमा आयोजित कार्यक्रममा एमाले जनसङ्गठन समन्वय संयन्त्रका संयोजक भानुभक्त ढकालले ११ सदस्यीय केन्द्रीय कमान्ड सार्वजनिक गरेका हुन् ।
घोषित संरचनामा पुष्पराज श्रेष्ठ फोर्सका केन्द्रीय कमान्डर (प्रमुख)मा नियुक्त भएका छन् । त्यस्तै फोर्समा दुई जना सहकमान्डर रहने व्यवस्था गरिएको छ ।
कमान्डका सदस्यहरूमा केशव रोका, लव अधिकारी यादव, जयराम लामा, विदुर शर्मा, सागर भट्ट, सञ्जीव धिताल, विनिता काफ्ले लगायतका जिम्मेवारी पाएका छन् ।
एमालेले फोर्सलाई पार्टी गतिविधि, संगठन विस्तार तथा विभिन्न कार्यक्रमको व्यवस्थापनमा प्रभावकारी भूमिका निर्वाह गर्न गठन गरिएको जनाएको छ ।
प्रतिक्रिया