पोखरा । बुद्ध एयरको एक विमान शनिबार अवतरणका क्रममा चरा ठोक्किँदा दुर्घटना हुनबाट जोगिएको छ।
काठमाडौंबाट पोखरा गन्तव्यका लागि उडेको ‘९एन–एओसी’ विमान पोखरा अन्तर्राष्ट्रिय विमानस्थलमा झर्न लाग्दा चरासँग धक्का लागेको थियो।
पोखरा विमानस्थलमा अवतरणका क्रममा आज दिउँसो ३:४५ बजे जहाजसँग चरा ठोक्किएको बुद्ध एयर पोखरा स्टेशनका प्रबन्धक गौतम बरालले जानकारी दिए ।
चरा ठोक्किदा जहाजको ‘पपलरको ब्लेड’ अलिकति कुच्चीएको पनि जहाजका सबै यात्रु र चालक दल सुरक्षित रहेको उनले जानकारी दिए ।
यसअघि पनि करिब दुई हप्ता पहिले पोखरामा बुद्ध एयरकै अर्को विमान चरा ठोक्किएको घटना सार्वजनिक भएको थियो।
प्रतिक्रिया