काठमाडौं । मधेशका मुख्यमन्त्री सरोजकुमार यादवले विश्वासको मत नपाउने निश्चित भएपछि राजीनामा घोषणा गरेका छन् ।
मुख्यमन्त्रीले विश्वासको मत लिने प्रयोजनका लागि बोलाइएको प्रदेशसभाको बैठकमा बुधबार बोल्दै उनले राजीनामाको घोषणा गरेका हुन् । सोमबार साँझ मात्र सर्वोच्च अदालतले मुख्यमन्त्री यादवलाई २४ घण्टाभित्र विश्वासको मत लिन परमादेश जारी गरेको थियो ।
सर्वोच्चको आदेश अनुसार विश्वासको मत लिनका लागि आज बिहान साढे ८ बजे नै प्रदेश सभा बैठक बोलाइएको थियो । उक्त बैठकमा सत्तापक्षकै सांसद अनुपस्थित हुने थाहा भएपछि मुख्यमन्त्री यादव आफै अनुपस्थित भएका थिए । मुख्यमन्त्री यादव आफैं उपस्थित नभएपछि बैठक बैठक दिउँसो २ बजेलाई सारिएको थियो ।
दिउँसो बसेको प्रदेशसभा बैठकमा उनले राजीनामा घोषणा गरेका हुन् ।
प्रतिक्रिया