जनकपुरधाम । मधेश प्रदेशका नवनियुक्त मुख्यमन्त्री कृष्णप्रसाद यादवले आज पद तथा गोपनीयताको शपथ ग्रहण गर्दै छन्।
मुख्यमन्त्रीको कार्यालयले शपथ समारोहका लागि आवश्यक तयारी पूरा भएको जनाएको छ।
सात दलका ७७ जना प्रदेशसभा सदस्यको समर्थनमा कांग्रेस संसदीय दलका नेता यादव मंसिर १९ गते मुख्यमन्त्रीमा नियुक्त भएका हुन्।
यादवले शपथपछि आजै सानो आकारको मन्त्रिपरिषद गठन गर्ने तयारी गरेका छन् ।
संविधानको धारा १६८(३) अनुसार ठूलो दलको हैसियतमा प्रदेशको नेतृत्व सम्हालेका एमाले संसदीय दलका नेता सरोजकुमार यादवले विश्वासको मत लिन नसक्ने भएपछि उनले मंसिर १७ गते राजीनामा दिएका थिए। उनलाई कार्तिक २३ गते राति तत्कालिन प्रदेश प्रमुखले मुख्यमन्त्री नियुक्त गरेकी थिइन ।
प्रतिक्रिया