बुटवल । काठमाडौंमा विधान महाधिवेशनको निर्णय केन्द्रीय कमिटीबाट उल्ट्याउँदै ११ औं महाधिवेशनको बन्दसत्र सुरु भएकै दिन नेकपा एमाले रुपन्देहीका सचिव तथा सैनामैना नगरपालिकाका पूर्व नगर प्रमुख चित्रबहादुर कार्कीले एमाले परित्याग गर्दै राष्ट्रिय स्वतन्त्र पार्टी (रास्वपा)मा प्रवेश गरेका छन् ।
नेकपा एमाले रुपन्देहीका वर्तमान सचिव एवं एमाले उपाध्यक्ष विष्णु पौडेलका पूर्व स्वकिय सचिव पूर्वनगर प्रमुख कार्की आइतबार उक कार्यक्रमका बीच रास्वपा प्रवेश गरेका हुन् ।
उनलाई रास्वपा उपसभापति डा. स्वर्णिम वाग्ले, प्रवक्ता मनिस झा लगायतका नेताले रास्वपामा स्वागत गरेका थिए । कार्की सँगै नेकपा एमाले प्रदेश सदस्य पदम ज्ञवाली लगायतका नेताहरू रास्वपा प्रवेश गरेका छन् ।
पार्टी प्रवेश कार्यक्रममा बोल्दै रास्वपा पार्टी सभापति रवि लामिछानेमाथि प्रतिशोध साँधेर मुद्दा लगाइएको बताए । उनले आगामी निर्वाचनमा जनताले त्यसको जवाफ दिने बताए ।
पार्टी प्रवेश गर्दै कार्कीले रास्वपाको नीति, सिद्धान्त र विचार अंगिकार गरेर पार्टीलाई नगर र जिल्लामा बलियो बनाउन लागिपर्ने प्रतिबद्धता व्यक्त गरे ।
प्रतिक्रिया