काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने थुनामुक्त भएपछि पार्टीको मूल नेतृत्वमा फर्किने भएका छन् ।
कार्यबहाक सभापति डीपी अर्यालले शुक्रबार एक विज्ञप्ति जारी गर्दै यस्तो जानकारी दिएका हुन् । ‘कानुनी र प्रशासनिक प्रक्रिया पूरा गरी सभापतिज्यू तत्काल पार्टीको मूल जिम्मेवारीमा फर्किनुहुने व्यहोरा अवगत गराउँछौँ’, अर्यालले भनेका छन् ।
सहकारी ठगी मुद्दा खेपिरहेका उनलाई बिहीबार तुलसीपुर उच्च अदालतको बुटवल बेञ्चले थुनामुक्त गर्न आदेश दिएको थियो ।
अदालती प्रक्रिया पूरा गरी उनी आजै रिहा हुन लामिछाने काठमाडौंबाट भरतपुरहुँदै भैरहवा जाँदैछन् । भैरहवाको मौसम खराब मौसमका कारण भैरहवा विमानस्थल नखुलेपछि उनी दिउँसो भरतपुर पुगेका थिए ।
पछिल्लो समय लामिछाने नख्खु कारागारमा थिए ।
प्रतिक्रिया