काठमाडौं । बयान दिन नआए पक्राउ गर्ने सम्मको अभिव्यक्ति दिएको जेनजी आन्दोलनका सम्बन्धमा जाँचबुझ गर्न बनेको आयोगले सुटुक्क गुण्डु स्थित एमाले अध्यक्ष केपी ओली निवास पुगेर लिखित बयान लिएर फर्केको छ । पूर्वप्रधानमन्त्री एवं एमाले अध्यक्ष ओलीले आफ्नो निवास आइपुगेका जाँचबुझ आयोगका पदाधिकारीसमक्ष आफ्नो बयान लिखितरुपमा दिएका छन् ।
आयोगले ओलीलाई बयान लिने सम्बन्धि पत्र काटे लगत्तै ओलीले आफ्नो निवास बोलाएर आफ्नो भनाई (स्टेटमेन्ट) लेखेर दिउको आयोग स्रोतले जनाएको छ ।
स्रोतका अनुसार ओलीले आफु निकटका व्यक्तिहरू मार्फत आयोगलाई निवासमा पुग्ने संकेत गर्न लगाएका थिए । संकेतअनुसार नै आयोगको टोली पत्र लिएर ओलीलाई भेट्न गुण्डु पुगेको थियो । आयोगको टोलीलाई ओलीले लिखित रुपमा नै आफ्नो दृष्टिकोण र जवाफ पेस गरेका थिए ।
यसअघि पूर्वप्रधानमन्त्री ओलीले जाँचबुझ आयोगमाथि प्रश्न उठाउदै सिंहदरबारमा पुगेर बयान दिन अस्वीकार गरेका थिए ।
आयोगका पदाधिकारीहरुले भने ओलीलाई सोधिएको प्रश्न र जवाफबारे गोप्य राखेका छन् । ओली निवास पुगेको पदाधिकारीको पहिचान समेत आयोगले गोप्य राखेको छ ।
प्रतिक्रिया