काठमाडौं । नेपाली कम्युनिस्ट पार्टी (नेकपा)का नेता तथा पूर्व सिँचाइ मन्त्री उमेश यादव जनता समाजवादी पार्टी (जसपा) नेपालमा प्रवेश गरेका छन्।
मंगलबार आयोजित कार्यक्रममा जसपा नेपालका अध्यक्ष उपेन्द्र यादवले उनलाई खादा ओढाएर पार्टी सदस्यता प्रदान गर्दै स्वागत गरेका छन्।
यादवलाई नेकपाले सप्तरी–२ बाट प्रतिनिधिसभा सदस्यका लागि उम्मेदवार सिफारिस गरेको थियो।
उमेश यादव २०७० सालको संविधानसभा निर्वाचनमा सप्तरी–३ बाट निर्वाचित भएका थिए। त्यसयता भने उनी कुनै पनि निर्वाचनमा विजयी हुन सकेका छैनन्।
२०७४ सालको निर्वाचनमा उनी जसपा अध्यक्ष उपेन्द्र यादवसँग पराजित भएका थिए भने पछिल्लो निर्वाचनमा प्रदेशसभा अन्तर्गत सप्तरी २ (२) बाट उम्मेदवार बनेका थिए। सो निर्वाचनमा उनी जनमत पार्टीका महेश यादवसँग पराजित भएका थिए।
प्रतिक्रिया