काठमाडौं । नेपाली कांग्रेस केन्द्रीय कार्यसमितिको बैठक सानेपास्थित केन्द्रीय कार्यालयमा सुरु भएको छ।
बुधबार बिहान ८ बजेका लागि बोलाइएको बैठक करिब साढे ६ घण्टा ढिलो गरी प्रारम्भ भएको हो।
विशेष महाधिवेशन पक्षधरहरूसँग सहमतिको प्रयास जारी रहँदा बैठकमा ढिलाइ भएको बताइएको छ ।
सानेपामा बैठक बस्नुअघि महामन्त्री विश्वप्रकाश शर्माले कार्यबहाक सभापति पूर्णबहादुर खड्कालाई सहमतिको अन्तिम विकल्प भन्दै ८ बुँदे प्रस्ताव पठाएका थिए। ती प्रस्तावमाथि अनौपचारिक छफल चलिरहँदा बैठक ढिलो बसेको नेताहरुले बताएका छन् ।
यसैबीच, कांग्रेसको स्थापनापक्षले पनि विशेष महाधिवेशनको सम्भावित निर्णयपछि अघि बढ्ने कानुनी प्रक्रिया सम्बन्धी परामर्श तीव्र पारेको छ।
भृकुटीमण्डपमा जारी विशेष महाधिवेशनले नेतृत्व चयन गरेपछि हुने प्रक्रियाबारे शीर्ष नेताहरू कानुनविद्हरूसँग निरन्तर परामर्शमा रहेका हुन् । कार्यवाहक सभापति पूर्णबहादुर खड्कालगायतका नेताहरु सो परामर्शमा संलग्न रहेको पनि उनले बताए।
नेतृत्व चयनपछि निर्वाचन आयोगमा जाने प्रक्रिया तथा अन्य कानुनी कदमबारे पूर्वमहान्यायाधिवक्ता खम्बबहादुर खाती, उपेन्द्र केशरी न्यौपानेलगायतका कानुनविद्हरसँग स्थापनापक्षले विचार–विमर्श थालेको जनाइएको छ।
प्रतिक्रिया