काठमाडौं । शिक्षामन्त्री महावीर पुनले पदबाट राजीनामा दिएका छन् । अर्थमन्त्री रामेश्वर खनालले सामाजिक सञ्जालमार्फत् जानकारी गराउँदै पुनले शिक्षामन्त्री पदबाट राजीनामा दिएको बताएका हुन् ।
खनालका अनुसार पुनले आफू संलग्न रहेको अभियानलाई अझ प्रभावकारी रूपमा अघि बढाउन राजीनामा दिएको उल्लेख गरेका छन् । यद्यपि, उक्त अभियानको विस्तृत विवरण भने सार्वजनिक गरिएको छैन ।
शिक्षामन्त्री पुनको राजीनामालाई प्रधानमन्त्रीको सचिवालयले पनि पुष्टि गरेको छ । प्रधानमन्त्रीका प्रमुख स्वकीय सचिव आदर्श श्रेष्ठले शिक्षामन्त्री पुनको राजीनामा प्राप्त भएको जानकारी दिए पनि राजीनामाको कारणबारे थप खुलाउन चाहेनन् ।
राजीनामासँगै शिक्षा मन्त्रालयको नेतृत्व रिक्त भएको छ । अब नयाँ शिक्षामन्त्री को बन्छन् भन्ने विषयमा राजनीतिक वृत्तमा चासो बढेको छ ।
प्रतिक्रिया