गगन थापाको प्रतिवद्धता – उम्मेदवारी चयन अर्को पटकदेखि सुधार गर्छौं

काठमाडौं । नेपाली कांग्रेसका सभापति गगनकुमार थापाले उम्मेदवार छनोट प्रक्रियामा केही कमजोरी भएको स्वीकार गर्दै आगामी निर्वाचनदेखि यस्तो अवस्था दोहोरिन नदिने प्रतिबद्धता जनाएका छन् ।

केन्द्रीय कार्यसमिति बैठकपछि संचारकर्मीसँग कुरा गर्दै उनले यस्तो प्रतिवद्धता जनाएका छन् । उम्मेदवार छनोट प्रक्रिया र मनोनयन दर्ता गर्नुपर्ने समयसीमाका कारण दबाब सिर्जना भएको भन्दै उनले छनोट प्रक्रियामा कमजोरी देखिएको बताए । उक्त कमजोरीको जिम्मेवारी आफूले लिने पनि उनले स्पष्ट पारे । थापाले आगामी दिनमा तल्लो तहबाटै मतदानमार्फत उम्मेदवार चयन गर्ने व्यवस्था लागू गरिने बताए।

आफूहरूले बदलेको भन्दै थापाले अब कांग्रेसले देश बदल्ने संकल्प गर्ने बताए । उनले विगतमा कांग्रेस भएर रुख चिन्हमा मात्र मत माग्नुपरेको अवस्था रहेको उल्लेख गर्दै उनले यसपटक १६५ वटै निर्वाचन क्षेत्रमा रुख चिन्हमै मतदान गर्न पाउने अवस्था बनेको बताए । अब परिस्थिति कांग्रेसका पक्षमा अनुकूल बनेको पनि उनले दाबी गरे ।