काठमाडौं । आईसीसी टी-२० विश्वकप अन्तर्गत आफ्नो पहिलो खेलमा पाकिस्तानले नेदरल्याण्ड्सलाई तीन विकेटले पराजित गरेको छ । श्रीलंकाको कोलम्बोस्थित सिंहाली स्पोर्ट्स क्लब मैदानमा भएको खेलमा नेदरल्याण्ड्सले दिएको १ सय ४८ रनको लक्ष्य पाकिस्तानले तीन बल बाँकी रहँदै पूरा गर्यो ।
पाकिस्तानको जितमा शाहिबजादा फरहानले सर्वाधिक ४७ रनको योगदान दिए । उनले ३१ बल खेल्दै चार चौका र दुई छक्का प्रहार गरे । त्यस्तै, फहिम अशरफले आक्रामक ब्याटिङ गर्दै ११ बलमा २९ रन जोडे । साइम ऐयुबले १३ बलमा २४ रन बनाए ।
बलिङतर्फ नेदरल्याण्ड्सका आर्यन दत्त र पउल भान मिकेरेनले समान दुई विकेट लिए । लोगन भान बिक, काइल क्लेइन र रोलोफ भान डेर मेर्वेले समान एक-एक विकेट हात पारे ।
यसअघि टस हारेर पहिले ब्याटिङ गरेको नेदरल्याण्ड्सले इनिङ्सको अन्तिम बल बाँकी छँदै सबै विकेट गुमाउँदै १ सय ४७ रन बनाएको थियो ।
नेदरल्याण्ड्सका कप्तान स्कट एडवर्ड्सले सर्वाधिक ३७ रन बनाए । उनले २९ बलमा तीन चौका र एक छक्का प्रहार गरे । बस डे लिडले २५ बलमा ३० रन जोडे भने ओपनर माइकल लेभिटले १५ बलमा २४ रन बनाए ।
पाकिस्तानका लागि सलमान मिर्जाले उत्कृष्ट बलिङ गर्दै तीन विकेट लिए । मोहम्मद नवाज, अब्रार अहमद र साइम ऐयुबले समान दुई-दुई विकेट लिए भने शहीन शाह अफ्रिदीले एक विकेट हात पारे ।
प्रतिक्रिया