बुटवल । रुपन्देहीस्थित लुम्बिनी वल्ड स्कुलको तेस्रो साधारण सभाबाट गोपाल टण्डनको अध्यक्षतामा नयाँ सञ्चालक समिति सर्वसम्मत रूपमा चयन गरिएको छ ।
नवनिर्वाचित समितिमा फूलसिंह क्षेत्री, गोकर्ण पाण्डे, प्रेमनारायण बेल्बासे, श्रीमती सुम्निमा शर्मा पाठक र जनिजनारायण श्रेष्ठ सदस्य रहेका छन् । विद्यालयका प्राचार्य विष्णुप्रसाद ढकाल सदस्य-सचिव रहने गरी सात सदस्यीय सञ्चालक समिति गठन गरिएको हो ।
नवगठित समितिको पहिलो बैठकले महेन्द्रनारायण श्रेष्ठलाई विद्यालयको प्रमुख सल्लाहकारमा नियुक्त गर्ने निर्णय गरेको छ ।
नवनिर्वाचित अध्यक्ष टण्डनले लुम्बिनी वल्र्ड स्कुललाई प्रदेशकै नमुना शैक्षिक संस्थाका रूपमा विकास गर्ने प्रतिबद्धता व्यक्त गर्दै आगामी योजनाबारे जानकारी गराए । उनले विद्यालयको समग्र उन्नयनका लागि अभिभावक, शुभेच्छुक तथा सरोकारवालाको निरन्तर सहयोग आवश्यक रहने उल्लेख गरे ।
गुणस्तरीय तथा आधुनिक शिक्षा प्रदान गर्ने उद्देश्यका साथ रुपन्देहीका उद्योगी-व्यवसायी, चिकित्सक, इन्जिनियर तथा देश-विदेशमा अध्ययन-अध्यापन गरेका व्यक्तिहरूको पहलमा स्थापना गरिएको विद्यालयको तेस्रो साधारण सभा अध्यक्ष योगेश घिमिरेको अध्यक्षतामा सम्पन्न भएको हो ।
प्रतिक्रिया