जनचाहना बुझ्दै मतदाताको घरदैलोमा रुपन्देही १ का उम्मेदवार खत्री

देवदह । नेपाली काँग्रेसबाट रुपन्देही क्षेत्र नम्बर एकका उम्मेदवार हिराबहादुर खत्रीले मतदाताको चाहना र आवश्यकतालाई बुझ्दै घरदैलो कार्यक्रम गरेका छन ।

रुपन्देही क्षेत्र नम्बर एक अन्तरगतका देवदह र तिलोत्तमा नगरपालिका क्षेत्रमा पर्ने विभिन्न वडाहरुमा घरदैलो गर्दै उम्मेद्वार खत्रीले मतदाताको चाहना बुझेर सोही अनुसार आफुले काम गर्ने प्रतिवद्धता जनाएका छन ।

घरदैलो कार्यक्रम अन्तरगत रुपन्देहीको तिलोत्तमा नगरपालिकाका विभिन्न टोलहरुसँगै वडानम्बर १७ मा शुक्रबार घरदैलो गर्दै खत्रीले नागरिकका आवश्यकता र नवयुवाको चाहनालाई पुरा गर्ने गरि आफुले उम्मेद्वारी दिएको बताए ।

क्षेत्र नम्बर एक कृषिको प्रचुर सम्भावना बोकेको क्षेत्र भएकाले यस क्षेत्रमा कृषि सम्भावनाको खोजी, कृषिबाट आत्मनिर्भर हुने उपायलगायतका धेरै आधारहरु भएकाले सोही अनुसार आफुले काम गर्ने बताए ।

उनले घरदैलोमा नागरिकलाई भेटेर कृषिको सम्भावना, कृषिक्रान्ति, योजना र भावी रणनीतिका विषयमा मतदातासँग सुझाव संकलन गरेका थिए । उनले कृषिमा आत्मनिर्भर किसानलाई प्रोत्साहन गर्नका लागि रणनीतिक योजना समेत तयार पार्दै आएको बताए ।