बुटवल । भैरहवाको आवारोडबाट लागुऔषध गाँजा र चरेस सहित ३ जना पक्राउ परेका छन् । लागू औषध नियन्त्रण ब्यूरो शाखा कार्यालय भैरहवा र जिल्ला प्रहरी कार्यालय रुपन्देहीबाट खटिएको संयुक्त प्रहरी टोलीले लागुऔषध सहित ३ जनालाई पक्राउ गरेको हो ।
पक्राउ पर्नेहरुमा सिद्धार्थनगर नगरपालिका वडा नं. ८ कान्छीबजार घर भई सिद्धार्थनगर वडा नं. १२ आवारोडमा कोठाभाडा लिई बस्ने ४० वर्षिय बिशाल प्रताप राणा, वडा ७ भैरहवागाउ बस्ने २२ वर्षिय अरबाज मुसलमान र कैलाली घोडाघोडी नगरपालिका वडा १ पहलमानपुर बस्ने २८ वर्षिय बिकाश बहादुर सिंह ठकुरी रहेका छन् ।
उनीहरुबाट गाँजा १ के.जी, चरेस १०० ग्राम बरामद भएको प्रहरीले जनाएको छ । प्रहरीका अनुसार पक्राउ परेकाहरुबाट मोबाइल ३ र डिजिटल तराजु १ थानसहित बरामद गरी थप अनुसन्धान कार्य सुरु गरेको छ ।
प्रतिक्रिया