काठमाडौं । आईसीसी टी-२० विश्वकपअन्तर्गत आइतबार भएको खेलमा अलराउन्डर दीपेन्द्रसिंह ऐरी को अर्धशतकीय इनिङ्सको मद्दतमा नेपालले वेस्ट इन्डिजलाई १३४ रनको लक्ष्य दिएको छ ।
भारतको वाङ्खेडे स्टेडियम मा टस हारेर पहिले ब्याटिङको निम्तो पाएको नेपालले निर्धारित २० ओभरमा ८ विकेट गुमाउँदै १३३ रन बनायो ।
नेपालका लागि दीपेन्द्रसिंह ऐरीले उत्कृष्ट प्रदर्शन गर्दै ४७ बलमा ५८ रन बनाए । उनले आफ्नो इनिङ्समा ३ चौका र ३ छक्का प्रहार गरे। खेलको तेस्रो ओभरको पहिलो बलमा नेपालको दोस्रो विकेट पतन भएपछि क्रिजमा आएका ऐरी अन्तिमसम्म टिक्दै टोलीको इनिङ्स उकास्न सफल भए ।
अन्य ब्याटरहरूले अपेक्षाकृत राम्रो प्रदर्शन गर्न नसकेको अवस्थामा ऐरीले जिम्मेवारीपूर्ण ब्याटिङ गर्दै नेपालको स्कोर प्रतिस्पर्धात्मक बनाएका हुन् । उनी नेपालका लागि सर्वाधिक रन बनाउने खेलाडी बने ।
नेपालले दिएको १३४ रनको लक्ष्य पछ्याउँदै वेस्ट इन्डिज जवाफी ब्याटिङमा उत्रिएको छ ।
प्रतिक्रिया