काठमाडौं । नेकपा (एमाले)ले आसन्न प्रतिनिधिसभा सदस्य निर्वाचनका लागि आज (फागुन ७) आफ्नो घोषणापत्र सार्वजनिक गर्ने भएको छ ।
पार्टीले घोषणापत्रमार्फत समृद्ध नेपाल निर्माण, सुशासन प्रवर्द्धन, रोजगारी सिर्जना, सामाजिक न्याय सुनिश्चितता तथा संस्थागत सुधारलाई मुख्य प्राथमिकताका रूपमा अघि सार्ने जनाएको छ । एमालेले मुलुकमा स्थायित्व, आर्थिक विकास र प्रभावकारी शासन व्यवस्था कायम गर्न स्पष्ट नीति तथा कार्यक्रमसहित घोषणापत्र ल्याउन लागेको हो ।
एमालेले देशमा राजनीतिक स्थिरता, विकास र सुशासन कायम गर्न नयाँ सत्तासमीकरण आवश्यक रहेको उल्लेख गर्दै आगामी निर्वाचनमा स्पष्ट बहुमत हासिल गर्ने लक्ष्यसमेत राखेको जनाएको छ । पार्टीले घोषणापत्रमार्फत जनताको जीवनस्तर उकास्ने, आर्थिक गतिविधि विस्तार गर्ने तथा समग्र राष्ट्रको समृद्धि सुनिश्चित गर्ने प्रतिबद्धता व्यक्त गर्ने तयारी गरेको छ ।
प्रतिक्रिया