बाँके । नेपालगञ्जस्थित सुर्खेत रोडमा रहेको वेस्टर्न मार्टमा आगलागी भएको छ । केहीबेरअघि सुरु भएको आगलागी पाँचतले भवनको पहिलो र दोस्रो तलाबाट फैलिएको प्रहरीले जनाएको छ ।
आगो नियन्त्रणका लागि नेपालगञ्ज र कोहलपुरबाट दमकल घटनास्थलमा पुगेका छन् । दमकल, प्रहरी र स्थानीयवासीको संयुक्त प्रयासमा आगो निभाउने काम जारी रहेको छ ।
प्रहरीका अनुसार आगलागीको कारण खुल्न बाँकी रहेको छ भने क्षतिको विवरण पनि संकलन भइरहेको छ । आगलागी फैलिन नदिन सुरक्षाकर्मीले भवन वरपरको क्षेत्रलाई नियन्त्रणमा लिएका छन् ।
आगो पूर्ण रूपमा नियन्त्रणमा नआएसम्म सतर्कता अपनाइएको प्रहरीले जनाएको छ ।
प्रतिक्रिया