सर्लाहीमा मतदान अधिकृतको मृत्यु

काठमाडौं । प्रतिनिधिसभा निर्वाचनको तयारी तीव्र भइरहेका बेला सर्लाहीमा खटिएका एक मतदान अधिकृतको भएको छ ।

पर्सा गाउँपालिका-४ स्थित जिगडवा आधारभूत विद्यालयमा स्थापित मतदान केन्द्र ‘क’मा मतदान अधिकृतको जिम्मेवारी सम्हालिरहेका ४५ वर्षीय रघुनाथ महतो मंगलबार दिउँसो अचानक बेहोस भएका थिए । उनलाई तत्कालै प्रादेशिक अस्पताल मलंगवा लगिएको थियो ।

उपचारकै क्रममा दिउँसो करिब ३ बजेतिर चिकित्सकले महतोको मृत्यु घोषणा गरेको मुख्य निर्वाचन अधिकृत पुष्पराज थपलियाले जानकारी दिएका छन् । चिकित्सकका अनुसार मृत्युको यथार्थ कारण पोस्टमार्टमपछि मात्रै स्पष्ट हुने बताइएको छ । महतोको शव हाल अस्पतालमै राखिएको छ ।

निर्वाचनको पूर्वसन्ध्यामा भएको यस घटनाले स्थानीय प्रशासन र निर्वाचन तयारीमा संलग्न कर्मचारीहरूलाई स्तब्ध बनाएको छ ।