बुटवल । बुटवल ९ इट्टाभट्टी टोलमा राष्ट्रिय स्वतन्त्र पार्टी र एमाले कार्यकर्ताहरुबीच विवाद र धक्कामुक्का भएको छ । इट्टभट्टी टोलमा रहेको नमबुद्ध होटलमा रास्वपा कार्यकर्ता र एमाले कार्यकर्ताबीच विवाद भएको हो ।
रास्वपा उम्मेदवार सुलभ खरेल मौन अवधिमा आचारसंहिता विपरितका कार्य गरेको भन्दै होटलमा एमाले कार्यकर्ताहरु प्रवेश गरेपछि केहीबेर धक्कामुक्का भएको प्रहरीले जनाएको छ । एमाले कार्यकर्ताहरुले उम्मेदवार खरेल सहितका रास्वपा कार्यकर्ताहरुले आर्थिक चलखेल गर्दै गरेको आरोप लगाएका छन् ।
उता रास्वपा उम्मेदवार खरेलले भने आफुहरु होटलमा बसिरहेका बेला अज्ञात समुह आएर आफ्ना सचिवालयका कार्यकर्तामाथि हातपात गरेको बताएका छन् । होटलमा सामान्य झै झगडा भएको र अहिले अवस्था नियन्त्रणमा रहेको रुपन्देही प्रहरी प्रमुख एसपी जनकबहादुर शाहीले बताए ।
मौन अवधिमा होटलमा समुहगतरुपमा बसेर निर्वाचन आचारसंहिताको उल्लंन गरेको एमाले पक्षको आरोप छ ।
प्रतिक्रिया