काठमाडौं । प्रतिनिधिसभा सदस्य निर्वाचनअन्तर्गत अपरान्ह ४ बजेसम्म ४५ प्रतिशत मतदान भएको छ ।
निर्वाचन आयोगको पछिल्लो ४ बजेको तथ्यांकअनुसार यस अवधिसम्म ८४ लाख ६० हजार ६ सय ७७ मत खसेको छ।
देशभरका १६५ प्रतिनिधिसभा निर्वाचन क्षेत्रका १० हजार ४६७ मतदानस्थलमा मतदान जारी रहेको छ। कुल १ करोड ८० लाख ३६ हजार ६६८ मतदातामध्ये उक्त संख्यामा मत खसेको आयोगले जनाएको छ।
प्रदेशगत रूपमा हेर्दा काठमाडौँ उपत्यकामा ५४ प्रतिशत मतदान भएको छ। त्यसैगरी कोशीमा ४६ प्रतिशत, मधेशमा ३७ प्रतिशत, बागमतीमा ४७ प्रतिशत, गण्डकीमा ४८ प्रतिशत, लुम्बिनीमा ४७ प्रतिशत, कर्णालीमा ४८ प्रतिशत र सुदूरपश्चिममा ३९ प्रतिशत मतदान भएको विवरणमा उल्लेख छ।
मतदान समय सकिन अब आधा घण्टा मात्र बाँकी रहेको छ ।
प्रतिक्रिया