नेपालगन्ज । प्रतिनिधिसभा सदस्य निर्वाचन २०८२ मा बाँके जिल्लामा ६३ दशमलव ४६ प्रतिशत मतदाताले मतदान गरेका छन् । जिल्लामा ३ लाख ५० हजार ३७१ जना मतदाता रहेकोमा २ लाख २२ हजार ३६६ जनाले मतदान गरेको सुरक्षा अधिकारीहरुले जानकारी दिएका छन् ।
बाँकेमा १ लाख १५ हजार ४५९ जना महिला मतदाताले मतदान गर्दा १ लाख ६ हजार ९०४ जना पुरुषले मतदान गरेका छन् । बाँकेमा ९ जना अन्य मतदाता रहेका मध्य ३ जनाले मतदान गरेका छन् ।
सुरक्षा स्रोतले दिएको जानकारी अनुसार बाँके निर्वाचन क्षेत्र नम्बर १ मा ७२ हजार १९९ जना, क्षेत्र नम्बर २ मा ७२ हजार ६०९ जना र क्षेत्र नम्बर ३ मा ७४ हजार ५५८ जनाले मतदान गरेका छन् ।
३ वटै निर्वाचन क्षेत्रमा मतपेटिका संकलनको काम सुरु भएको जिल्ला निर्वाचन कार्यालयले जनाएको छ । बाँकेको क्षेत्र नम्बर १ को अगैया स्थित पालिका भवनमा, क्षेत्र नम्बर २ को भेरी प्राविधिक शिक्षालयमा र क्षेत्र नम्बर ३ को कपास विकास समितिको प्रधान कार्यालयमा मतगणना हुनेछ । मतपेटिका संकलन लगत्तै सर्वदलिय बैठक बसेर मतगणना सुरु गरिने मुख्य निर्वाचन अधिकृतको कार्यालयले जनाएको छ ।
फोटो : खगेन्द्र दाहाल
प्रतिक्रिया