झण्डै ६ हजारको फराकिलो अन्तरसहित काठमाडौं-१ मा रञ्जु दर्शनाको अग्रता

काठमाडौं । काठमाडौं क्षेत्र नम्बर १ मा राष्ट्रिय स्वतन्त्र पार्टीकी उम्मेदवार रञ्जु दर्शनाले निकै फराकिलो अन्तरसहित अग्रता लिइरहेकी छिन् । मतगणनाको प्रारम्भिक चरणबाटै अग्रता लिइरहेकी रञ्जुले मतगणना बढ्दै जाँदा प्रतिस्पर्धी उम्मेदवारहरूमाथि उल्लेखनीय अग्रता बनाएकी छन्।

कुल २० हजार ४८८ मत गणना हुँदा दर्शनाले १० हजार ५८१ मत प्राप्त गरेकी छन्। उनी आफ्नो निकटम प्रतिस्पर्धी कांग्रेसका प्रवल थापा भन्दा ५ हजार ८४८ मतले अगाडि छिन्। थापाले ४ हजार ७३३ मत प्राप्त गरेका छन्। त्यस्तै राष्ट्रिय प्रजातन्त्र पार्टीका रविन्द्र मिश्रले २ हजार ७४४ मत पाएका छन्।

यसैगरी नेकपा एमालेका मोहन रेग्मीले ८६५ मत प्राप्त गरेका छन् भने नेपाल कम्युनिष्ट पार्टीकी कृतु भण्डारीले २१८ मत ल्याएकी छन्।

हालसम्म ४६१ मत बदर भएको निर्वाचन कार्यालयले जनाएको छ। यस क्षेत्रमा अझै करिब १० हजार मत गणना हुन बाँकी छ।मध्यान्न १२ बजेसम्म अन्तिम मतपरिणाम सार्वजनिक हुने अपेक्षा गरिएको छ।