गुल्मी । प्रतिनिधिसभा सदस्य निर्वाचन अन्तर्गत गुल्मी निर्वाचन क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार सागर ढकाल फराकिलो मतान्तरसहित विजयी भएका छन् ।
अन्तिम मतपरिणाम अनुसार ढकालले ३० हजार ४४८ मत प्राप्त गरेका छन् । उनका निकटतम प्रतिस्पर्धी नेकपा (एमाले) का उम्मेदवार प्रदीप ज्ञवालीले १५ हजार ३२८ मत प्राप्त गरेका छन् भने नेपाली कांग्रेसका उम्मेदवार चन्द्र भण्डारीले १३ हजार ७३१ मत प्राप्त गरेका छन् ।
ढकालले निकटतम प्रतिस्पर्धी ज्ञवालीलाई १५ हजार १२० मतान्तरले पराजित गर्दै विजय हासिल गरेका हुन् ।
निर्वाचनमा प्रमुख दलका उम्मेदवारबीच कडा प्रतिस्पर्धा हुने अनुमान गरिएको भए पनि ढकालले सुरुदेखि नै अग्रता कायम राख्दै अन्ततः फराकिलो मतान्तरसहित जीत सुनिश्चित गरेका हुन् । यससँगै गुल्मी-१ मा राष्ट्रिय स्वतन्त्र पार्टीले उल्लेखनीय सफलता हासिल गरेको छ ।
प्रतिक्रिया