काठमाडौं । नेकपा एमालेका अध्यक्ष एवं झापा-५ का पराजित उम्मेदवार केपी शर्मा ओलीले सोही निर्वाचन क्षेत्रबाट विजयी भएका बालेन्द्र शाहलाई बालेन्द्र शाहलाई बधाई दिएका छन् ।
एमालेबाट प्रधानमन्त्रीमा समेत प्रस्ताव गरिएका ओलीले सामाजिक सञ्जालमार्फत बालेन्द्रलाई बधाई तथा शुभकामना दिएका हुन् । उनले बालेन्द्रलाई पाँच वर्षे कार्यकाल निर्विघ्न सफर रहोस भनेर कामना गरेका छन् ।
ओलीले लेखेका छन्, “बालेन बाबु, विजयको लागि तपाईंलाई बधाई तपाईंको पॉच वर्षे कार्यकाल निर्विघ्न सफल रहोस् ! हार्दिक शुभकामना”
झापा-५ को निर्वाचन यसपटक निकै चासोका साथ हेरिएको प्रतिस्पर्धा मानिएको थियो। राष्ट्रिय राजनीतिमा प्रभावशाली नेताका रूपमा कहलिएका ओली र काठमाडौं महानगरपालिकाका मेयरसमेत रहेका शाहबीचको प्रतिस्पर्धाले यो क्षेत्रलाई देशव्यापी चर्चाको केन्द्र बनाएको थियो।
बालेन्द्र प्रधानमन्त्रीका उम्मेदवार हुन् । अब उनी रास्वपाको दुई तिहाई बहुमतको बलमा प्रधानमन्त्री बन्ने पक्का भएको छ ।
प्रतिक्रिया